Пратеничката на ВМРО-ДПМНЕ Дафина Стојаноска, го искина предлогот произлезен од Француското претседателство со ЕУ, обраќајки се од собраниската говорница на самиот старт на 81. седница на македонското Собрание.
Таа го нарече срамен предлогот што им се нуди на пратениците, потенцирајќи дека мнозинството од народот е против. Исто така посочи и дека Собранието не е надлежно за извештајот, туку Владата на тој начин се обидува да побара алиби.
На крајот таа побара пауза, што претседателот на Собранието Талат Џафери го прифати, најавувајќи дека седница ќе продолжи во 16 часот.
Пред македонските пратеници е Извештајот од преговарачката рамка на Македонија со ЕУ, предложен од Француското претседателство на Унијата.
