Во Лазарополе утрово е најстудено, минус 3 степени, а најтопло е во Виница, 3 степени.
Како што соопшти УХМР, до 7.30 часот минус 2 степени се измерени во Берово, минус 1 во Битола и Крива Паланка, нула степени во Скопје – Петровец, Тетово, Маврови Анови, Прилеп, Струмица, 1 Претор, Дебар, Штип, Демир Капија, Гевгелија, Кавадарци, Велес и 2 степена во Скопје – Зајчев Рид, Попова Шапка, Охрид и Крушево.
Висината на снежната покривка утрово во 7 изнесува 4 сантиметри на Попова Шапка.
Во текот на ноќта и утрово времето е променливо облачно. Наместа дува слаб ветер од северен правец.
Претпладне во северозападните и источните делови ќе има услови за слаб локален дожд, а по одделни котлини ќе има појава на магла. Во текот на денот сончево со мала, а во западните делови со умерена до значителна облачност. Ќе дува слаб ветер од северозападен правец. Максималната температура ќе достигне до 15 степени.
