Мировните преговори меѓу владините делегации на Киев и Москва за руската инвазија на Украина се очекува да започнат во понеделник наутро, според извештаите на Украинска правда и руската новинска агенција ТАСС.
Белоруското Министерство за надворешни работи се огласи на Твитер. Се е подготвено за преговори – напишаа тие.
Преговорите требаше да започнат во недела, но ТАСС цитира анонимен извор кој вели дека причината за одложувањето се логистички проблеми за украинската делегација.
Руската делегација веќе го напушти белорускиот главен град Минск и отпатува до украинско-белоруската граница, во близина на реката Припјат, каде наводно е закажана средба.
Украина се согласи да започне мировни преговори со Русија во недела, иако битките беснееја во клучните градови и рускиот претседател Владимир Путин ја подигна подготвеноста на нуклеарните сили.
„Не верувам во резултатите од оваа средба, но да се обидеме“, изјави украинскиот претседател Володимир Зеленски.
