Популарниот зачин, активниот дел од куркумата познат како куркумин, се покажал опасен за 69-годишен маж кој завршил во болница со пукнат жолчен меур поради претерана конзумација.
Како што пренесува Express, антиинфламаторниот куркумин е поврзан со различни здравствени придобивки, од контрола на дијабетес до третман на артритис. Овие моќни ефекти го претворија куркуминот во популарен додаток што го консумираат голем број луѓе денес.
И покрај неговата популарност, куркуминот не треба да се претерува, па експертите предупредуваат дека треба да се зема со претпазливост. Ова е поддржано од споменатиот случај, кој беше детално опишан во American Journal of Medical Case Reports. Според пријавата, 69-годишен маж отишол на итната медицинска помош по тридневни екстремно силни болки во стомакот, градите, треска и потење. Болката што ја опиша се проширила до горниот дел од грбот.
Додека лекарите му ги прегледувале белите дробови и кардиоваскуларниот систем, не можеле да го најдат виновникот за овие проблеми. Но, томографијата на градите покажа дека му пукнало жолчното кесе и дека има камен во жолчката од еден сантиметар.
Додека најчестите причини за руптура на жолчното кесе се камењата во жолчката и холециститисот, истражувачите веруваат дека додатоците на куркумин исто така одиграле голема улога во случајот на овој пациент. Имено, пациентот четири месеци земал дневна доза од 1500 до 2000 милиграми куркумин. Како што објаснија лекарите, популарниот додаток не се препорачува за луѓе со жолчни камења бидејќи куркумата може да ја зголеми способноста на жолчното кесе да ја исфрли жолчката во жолчните канали, пишува Индекс.
