На лицата од црната листа на САД требаше да им биде забрането учество на изборите

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

ДУИ отсекогаш била посветена на отчетноста и транспарентноста на сите нивоа во јавниот живот и токму поради ова, за време на нашето учество во Владата до мај оваа година, нашите министри предложија прогресивен закон, кој воведува строги ограничувања за лица ставени на „црната листа“ на САД поради корупција, соопшти ДУИ.

„Овој закон имаше цел да ги спречи овие лица да учествуваат на избори и во процесите на јавни набавки – важен чекор за заштита на демократските процеси и јавната доверба. Сепак, последните настани донесоа бран политички напади кон ДУИ, при што одредени политички актери се обидуваат да ја искористат ситуацијата за свои цели. Важно е да ја разјасниме вистината со транспарентност и одлучност. И покрај оваа јасна посветеност на отчетноста, предлог-законот беше блокиран во Собранието од страна на ВМРО-ДПМНЕ и Вреди. Токму овие актери денес се на чело на нападите против ДУИ, обвинувајќи нè за пропусти во области каде што ние бевме првите кои предложивме конкретни реформи“, соопшти опозициската партија.

Оваа хипокризија, се додава во соопштението, е очигледна: тие што го спречија усвојувањето на построги мерки се истите што денес претендираат да имаат морална надмоќ.

„Нивните постапки во Собранието ја противречат нивната реторика, поставувајќи сериозни прашања за нивниот кредибилитет и мотиви. ДУИ не е совршена, ниту пак тврди дека е. Учиме од предизвиците со кои се соочуваме и се трудиме да се подобриме во служба на граѓаните. Сепак, ги отфрламе политичките кампањи мотивирани од двојни стандарди. Нашето досегашно делување зборува само за себе: додека другите избираа да ги блокираат реформите, ние бевме иницијатори и поддржувачи на истите“, се вели во денешното соопштение на ДУИ.

Share This Article