Цистерна со гориво гори во пристанишниот град Севастопол на Крим, изјави гувернерот на градот поддржан од Русија, Михаил Развозаев, во изјава за Телеграм рано во саботата, додавајќи дека најверојатно станува збор за напад со дрон. Иако руските власти ја обвинија Украина за нападот, портпаролот на вооружените сили на земјата изјави дека нема информации дека Украина е одговорна за нападот.
Развозајев рече дека пожарот се проширил на околу 1.000 метри квадратни и дека првите извештаи укажуваат дека е предизвикан од дрон.
Резервоарот за гориво се наоѓа во населбата Козачки залив, рече тој, додавајќи дека екипи за итни случаи се на терен.
„Се работи за пожар од 4-та класа. Информациите за жртвите се ажурираат“, напиша овој службеник.Севастопол, на полуостровот Крим што Русија го анектираше од Украина во 2014 година, е под воздушни напади откако Русија ја нападна целата земја во февруари 2022 година.
Како што пренесува Ројтерс, руските власти ја обвинија Украина за нападите.
Портпаролот на вооружените сили на Украина рече дека нема информации што укажуваат на тоа дека Украина е одговорна за пожарот во саботата.
Програмата на N1 телевизија можете да ја следите ВО ЖИВО на овој линк како и преку апликации за Android|iPhone/iPad
