На европските претставници им е срам затоа што Македонија го сменила името на државата, а ЕУ не го испорачала ветеното кон РС Македонија, рече Шефот на државата Стево Пендаровски вечерва во дебатниот магазин „Клик плус“ на ТВ21.
– Нив им е срам што државата која го промени своето име е единствена во светот, се уште не може да почне, не пак да заврши, преговори. Срам им е, не што ние чекаме 17 години, туку што чекаме со небулозни образложенија, надвор сме со небулозни образложенија. Ние имавме референдумско прашање во кое и ЕУ беше спомната еднакво и веднаш до НАТО членството – вели Пендаровски.
