Италијанската актерка Џина Лолобриџида почина на 95-годишна возраст, објави во италијанската новинската агенција АНСА.
Лолобриџида се прослави во педесеттите години на минатиот век како медитерански секс симбол, а по повлекувањето од светот на филмот стана фотограф и скулптор.
Родена на 4 јули 1927 година во скромно семејство во малото село Субијако, во планинскиот регион Абруцо во централна Италија, Лолобриџида играше со најголемите светски актери, од Френк Синатра, Шон Конери, Марчело Мастројани до Хемфри Богарт.
По успешната кариера во Холивуд, таа се вратила во Италија и само повремено се појавуваше на филм и телевизија.
„Ла Лоло“ потоа се враќа на своите први уметнички љубови, фотографијата и скулптурата, на кои целосно им се посветила во раните осумдесетти.
Некои од нејзините најзабележителни филмови се: „Леб, љубов и соништа“, „Крал, кралица и слуга“, „Сервантес“, „Трапез“, „Царска Венера“, „Ѕвонарот од Нотр Дам“…
