Денеска ќе биде ведро и студено со услови за појава на магла по одделни котлини. Преку денот сончево со мала локална облачност и со слаб променлив ветер, информираат од УХРМ.
Минималните утрински температури ќе се движат од – 9 во Берово до – 1 во Гевгелија, а максималните дневни од 9 во Маврово и 13 Целзиусови степени во Гевгелија.
Во Скопје наутро студено, во делови од котлината со услови за појава на магла, а преку денот сончево и тивко. Температурата ќе се движи од – 5 до 10 степени.
В среда наутро ќе има појава на магла по одделни котлини. Преку денот сончево со мала облачност и со слаб до умерен северозападен ветер.
Минималната температура ќе биде во интервал од – 6 до 1, а максималната ќе достигне од 8 до 16 степени.
Слично време ќе имаме и в четврток. Во петок кон крајот на денот се очекуваат повремени врнежи од дожд кои ќе продолжат и за време на викендот кога наместа ќе бидат пообилни.
Во следните денови ќе продолжи периодот на стабилно време со студени утра во кои температури наместа ќе се спуштаат до некој степен под нула степени. По одделни котлини ќе има услови за појава на утринска магла или ниска облачност. Дневната температура ќе биде без значителни промени.
