Градоначалникот на скопската општина Аеродром вети дека ќе оствари 100 процентна реализација на неговата програма до 2025 година со оглед на тоа што планот на ВМРО-ДПМНЕ идната влада да врши релокација од 250 милиони евра годишно кон општините. Тимчо Муцунски говореше на денешната дебата на тема „Локален економски развој“ во рамките на настанот „Важно!Платформа на иднината“:
– Не треба да се грижат граѓаните, бидејќи планот на ВМРО-ДПМНЕ за идниот развој на локалната самоуправа, предвидува конкретна методологија за средства од централниот буџет за локалната власта, за која што јас можам да гарантирам дека за Аеродром до крајот на нашиот мандат во 2025 година 100 процентна реализација на тоа што сме го ветиле – изјави Муцунски.
Тој потоа зборуваше за проектите и нештата кои биле реализирани.
– Една од првите чекори кои ги преземавме заедно со претседателот на Советот, Дејан Митески е за градоначалникот и претседателот на Советот за првпат од постоењето на општина Аеродром да нема средства за репрезентации, да нема средства за патни трошоци, да нема користење на службено возило, да нема користење на службен мобилен телефон, бидејќи сметам дека такви чекори праќаат сигнал до граѓаните, дека промените се случуваат во културата на однесување кон институциите – рече градоначалникот.
Муцунски посочи дека укинале 8 маркици на локации каде што веќе имало повисок степен на урбанизација, и сите тие места ќе ги претвори во парк, додавајќи дека на локацијата Реонски центар Аеродром каде што требаше да бидат изградени три објекти, во моментот се изведува парк од над 6.000 метри квадратни.
– Рековме дека ќе укинеме 8 маркици на локации каде што веќе имаше превисок степ на урбанизација и сите тие ќе ги претворивме во парк. Сега може да отидете на локацијата Реонски центар Аеродром каде што требаше да бидат изградени три објекти, во моментот се изведува парк и убеден сум дека веќе на почетокот на пролета во 2024 година, тој парк од над 6.000 метри квадратни ќе може сите аеродромци и сите скопјани да го користат – рече тој.
Муцунски истакна дека општина Аеродром има изградено повеќе спортски рекреативни центри на нејзината територија за разлика од Агенцијата за млади и спорт што има изградено на територија на цела Македонија.
– Само општина Аеродром има изградено повеќе спортски рекреативни центри на нејзината територија, од Агенцијата за млади и спорт што има изградено на територија на цела Македонија. А, замислете колкав буџет има агенцијата, а колкав буџет има општината – потенцираше Муцунски и додаде:
– Вложуваме во тоа што е најпотребно за граѓаните, отворивме еден голем објект детската градинка „Црвенкапа”. Вложуваме во реконструкција на сите основни училишта, како внатрешна реконструкција, така и енергетски ефикасни фасади, кои што обезедбуваат намалени сметки што значи поефикасно трошење на приходите. А, за прв пат од постоењето на нашата општина сите дотации и сите трансфери кои што пристигнуваат за образование и социјална заштита, се користат единствено за плати, до толку се намалени дотациите и трансферите. Во минатото 50 проценти биле за плати, а 50 проценти биле за инвестиции. Сега веќе општината се грижи и за инвестиции и за плаќање на сите сметки, а не се зема во каква состојба се наоѓа локалната самоуправа во нашата држава.
Градоначалникот Муцунски додаде дека во Извештајот на Европската комисија се критикува владата на СДСМ и ДУИ дека неангажираноста да се справи со проблемите за финансирање на единиците на локалната самоуправа односно дека не се преземени конкретни мерки, иако како што рече тој токму Европската комисија констатира дека најпогодени од енергетската и економската криза се единиците на локална самоуправа во Македонија.
– Една работа која што помина незабележана од последниот Извештајот на Европската комисија е критиката која што и се даде на владата за неангажираноста да се справи со проблемите за финансирање на единиците на локалната самоуправа, дека не се преземани конкретни мерки, иако самата Европска комисија констатира дека најпогодени од енергетската и економската криза која што е глобално се единиците на локална самоуправа во Македонија. Затоа ние како политички субјект имаме план. Но прво во следниот период кој што доаѓа е многу значајно да мериме која е разликата на минатото тоа е СДСМ и ДУИ, а која е разликата на иднината тоа е ВМРО-ДПМНЕ – дециден е Муцунски
