Португалскиот фудбалски стручњак Жозе Мурињо (60) ова лето побара тројца нови играчи, како дел од преговорите за останување на клупата на римскиот клуб.
Италијанските медиуми пренесуваат дека раководството на клубот сака да го задржи Португалецот кој има договор со Рома до 2024 година. Сепак, „Специјалниот“ сака гаранции за нови потписи.
Мурињо пред се сака напаѓач кој ќе го замени Тами Абрахам за кој се шпекулира дека ќе може да се врати на „Островот“. Имено, Абрахам беше член на Челзи од 2016 до 2021 година, но поголемиот дел од времето го мина на позајмица во Бристол Сити, Свонси Сити и Астон Вила.
Медиумите „Оточки“ пренесуваат дека најголем интерес за неговите услуги покажале Челзи и Манчестер Јунајтед, а откупната клаузула е 72 милиони евра.
Португалскиот стручњак бара и играч од средниот ред и стопер.
Рома моментално е на петтото место со 47 бодови, еден бод помалку од четвртопласираниот Милан, последен што обезбеди пласман во Лигата на шампионите.
Интер е трет со 50 бодови, Лацио е втор со 52 бода, а на врвот е Наполи со 71 бод.
