Мотоциклист е тешко повреден во сообраќајна несреќа што се случила вчера во Кавадарци.
„Сообраќајната несреќа се случила помеѓу моторцикл “бмв“ со кавадаречки регистарски ознаки, управуван од В.К.(57) од Кавадарци и патничко моторно возило “голф“ со кавадаречки регистарски ознаки управувано од М.М.(25) од Кавадарци, кое го напуштило местото на настанот, но по преземени мерки било пронајдено од страна на полициски службеници“, наведуваат од МВР.
Мотоциклистот по несреќата со тешки телесни повреди е пренесен во Општата болница Кавадарци.
Извршен бил увид од увидна екипа од Полициската станица Кавадарци.
Истовремено, МВР во билтенот информира и за уште една тешка сообраќајка која синоќа се случила, овојпат на делницата Штип-Неготино, каде четири лица се здобиле со повреди и се пренесени во Клиничката болница во Штип. Сударот бил меѓу „пежо 407“ со штипски таблички и уште едно патничко возило кое го напуштило местото на настанот.
фото: МИА
