Рускиот заменик-министер за надворешни работи Сергеј Рјабков, како што јави руската државна агенција РИА, изјави дека Русија ќе преземе контрамерки како одговор „на зголеменото вклучување“ на Западот во војната.
„Предупредуваме и се надеваме дека тие ја разбираат опасноста од неконтролирана ескалација во Вашингтон и другите западни престолнини“, рече тој.
Вчера рускиот претседател Владимир Путин изјави дека серијата ракетни напади што ги погодија украинските градови, при што загинаа најмалку 14 лица, е одмазда за нападите на руска територија.
Најверојатно мислел на нападот на мостот на Крим, за кој Москва ги обвинува украинските сили, пренесува Индекс.
Најсуровиот генерал на Путин испрати застрашувачка порака
По жестокото гранатирање на Киев и други делови на Украина се огласи и генералот на руската армија Сергеј Суровикин.
„За непријателите на Русија утрото не започнува со кафе“, изјави вчера Суровикин, коментирајќи ги нападите врз Киев.
