Три лица, меѓу кои и две деца, загинаа во воздушен напад на украинската престолнина во четвртокот рано наутро, соопштија градоначалникот на Киев, Виталиј Кличко и воените власти.
„Три лица загинаа, а четворица се ранети во областа Дешњан“, објави воената управа на Киев на Телеграм.
„Меѓу загинатите во областа Дешњан има две деца (5-6 и 12-13 години)“, додаде истиот извор.
Кличко напиша на Телеграм:
„Според првите информации добиени од спасувачките екипи, во тој дел на Киев се пронајдени тројца мртви, меѓу кои две деца и четворица ранети.
Сцените од местото на инцидентот во Киев беа крајно вознемирувачки. Фоторепортерите „уловиле“ постара госпоѓа како се приближува до местото каде што паднала руската ракета и каде на земја лежеле безживотни тела. Набргу старицата сфатила дека тоа се нејзината ќерка и внука. Таа ја скрши …
„Ова не е војна, ова е геноцид! На луѓето им е доста, бесни се. Ова е чист геноцид врз Украина и украинскиот народ од Русија“, рече Виталиј Кличко.
Рано наутро руски проектили погодија градинка и три училишта, а детонациите ја потресоа метрополата само четири минути откако се огласија сирените.
„Видовте сè. Руската политика е терористичка политика“.
Неколку руски ракети беа истрелани врз главниот град на Украина оваа недела.
Во понеделникот жителите на Киев мораа да бараат засолниште поради необичен напад во текот на денот.
