„Моќта на кучето“ и „Дина“ со најмногу номинации

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Во Долби театарот во Лос Анџелес вечер ќе се одржи 94. доделување „Оскари“ – светски најпрестижната филмска награда, што ја доделува Американската академија за филмски уметности и науки.

На Оскаровската церемонија, Академијата за филмски уметности и науки ќе ги награди најдобрите остварувања од минатата година.

Вестернот „Моќта на кучето“ има 12 номинации, научно фантастичниот спектакл „Дина“ десет, а по седум номинации добија „Белфаст“ и „Приказна од западната страна“.

На доделувањето е најавено присуство на најзначајните имиња, од номинираните до презентерите на наградите меѓу кои Ентони Хопкинс, Хали Бери, Кевин Костнер, Џон Траволта, Џејсон Момоа, Џејми Ли Кертис, Лејди Гага, Џејк Џиленхол, Шон Мендез и многу други.

Бијонсе, Били Ајлиш, Риба Мекинтаер и Себастијан Јатра ќе ги изведат номинираните оригинални филмски песни.

Ќе има сегмент посветен на 60 години од првиот Бонд филм и 50 години од снимањето на филмот „Кум“.

Реџина Хол, Ејми Шумер и Ванда Сајкс првпат ќе бидат водителки на Оскаровската церемонија.

– Годинава идејата на Оскаровското шоу е да се обединат љубителите на филмот. Затоа и поканивме три од најдинамичните, забавни жени со многу различни стилови во комедијата – изјави продуцентот на шоуто Вил Пакер.

Доделувањето на најпрестижните филмски награди во светот, кое ќе се одржи во театарот Долби во Холивуд и Хајланд, Холивуд, ќе го пренесуваат преку 200 земји во светот.

- Advertisement -
Ad image

Кај нас пренос ќе врши Македонската телевизија со почеток во 30 минути по полноќ.

Оскаровската церемонија ќе почне во два часот по полноќ. Скратена снимка од Оскаровското шоу во траење од два часа ќе се емитува во вторник во 20:45 на МТВ.

Фото: МИА

- Advertisement -
Ad image
Share This Article