Лидерот на Либерално-демократската партија Чедомир Јовановиќ изјави дека неговиот син не бил примен на Харвард, Стенфорд и на три други универзитети бидејќи Србијаземља не вовела санкции кон Русија.
„Мојот Михајло аплицираше на Харвард, Стенфорд и на три други универзитети во февруари. Ги помина сите пет, беше направено интервју и доби мејл дека ќе биде известен за почетокот на учебната година, за процедурата за упис… Во април му стигна мејл дека уписот му е одложен“, рече Јовановиќ.
Тој додаде дека истиот мејл пристигнал од сите пет универзитети и дека по распрашувањето зошто се случило тоа, заклучокот бил дека е одбиен бидејќи Србија не вовела санкции кон Русија.
„Затоа што не воведовме санкции кон Русија. Во неговото училиште во Единбург имаше професор по руски јазик, сите го сакаа, но го замолија повеќе да не доаѓа. Се отиде до таа крајност. И Србија во одреден момент треба да донесе одлука“, изјави Јовановиќ.
