Лука Модриќ се подготвува со Хрватска за полуфиналниот тест против Аргентина во вечерашното полуфинале на Светското првенство. Пред натпреварот зборуваше неговиот соработник Симон Бастијансен, експерт за брендирање, кој со Модриќ работи од Светското првенство во Русија во 2018 година.
„Тој зјапаше во тој часовник“
Модриќ и Бастијансен се сретнаа по Русија: „Тој штотуку ја освои Златната топка, истата година ја освои Лигата на шампионите и беше сребро на Светското првенство и стана најдобар играч на турнирот, но кога го запознав, сфатив дека тој е најпристојната спортска ѕвезда што некогаш сум ја сретнал. И запознав многу од нив“, изјави Бастијансен за данските медиуми.
Потоа се сретнале во Загреб, а Бастијансен на Модриќ му донел часовник „Брајтлинг“ на подарок, кој сакал да соработува со тогаш најдобриот светски фудбалер.
„Седнавме на пијачка и тој погледна во часовникот. Всушност, и јас се загледав во него и му реков дека носи многу убав часовник. Пристојно му се заблагодари и, изгледа, тогаш доби идеја“, изјави Бастијансен. На раката на Модриќ имаше црвено злато Daytona Rolex, а Бастијансен знаеше дека чини 40 илјади евра.
Модриќ потроши два милиони евра на часовници
„Тоа е посебен часовник“, тогаш Модриќ му рече на Бастијансен, кој ги пренесе зборовите на Модриќ: „Тој ми вели дека се почестил со тој часовник откако ја освоил Златната топка, но додава дека купил вкупно 25 часовници за своите соиграчи од Реал Мадрид и уште 25 за соиграчите од репрезентацијата. Но, подароците не ги добиваа само неговите соиграчи, тој ги купуваше за возачи на автобуси, лекари, физиотерапевти и асистенти“.
Модриќ, значи, потроши два милиони евра на часовници за најблиските соработници од репрезентацијата и клубот.
