Надвор од правна рамка без минимум техничка документација и со гласање по Бадентер, мнозинството во Советот на Струга донесе одлука за поставување спомен обележје на Република Косово на кејот на реката Црн Дрим, реагира ВМРО-ДПМНЕ.
– Без гласот на советниците од СДСМ воопшто немаше да може да се отпочне таа постапка. Советниците на СДСМ се причината поради која на кејот на Црн Дрим ќе се гради споменик на друга држава, во време кога спомениците на нашите херои се сквернават и се уништуваат.
Доколку сакале да искажат благодарност на Косово, тоа можеле да го направат со подигнување на споменик во Косово. Намерно и свесно некој игра на картата на меѓуетнички тензии, секогаш кога власта ќе процени дека тоа ѝ одговора – велат советниците од ВМРО-ДПМНЕ.
Тие велат дека „за разлика од СДС, советниците од ВМРО-ДПМНЕ го слушаат гласот на стружани“ – гласале против поставувањето ваков споменик.
