Собранискиот спикер Талат Џафери и лидерот на ДУИ Али Ахмети да ја кажат вистината за содржината на УСБ-то и пликото кои што им било дадено, порача денеска претседателот на ВМРО-ДПМНЕ за време на неговата посета на Општина Брвеница.
– Па еве ќе ги прашате и Талат Џафери и Али Ахмети за содржината на тоа УСБ, на тоа плико и каков документ имало во тоа плико и јас ќе ги следам внимателно нивните изјави и внимателно ќе следам дали ќе ја кажат вистината. Еве да оставиме тие да ја кажат вистината, бидејќи тие ги добиле двата од трите документи – нагласи Мицкоски.
Лидерот на ВМРО-ДПМНЕ вчера за првпат во јавноста ја отвори темата за тајното УСБ и документите што наводно ги добивале Џафери и Ахмети во 2022 година.
