НАСА објави фотографии од необични форми на кратери на Марс. Тимот научници е возбуден поради откритието, бидејќи веруваат дека овие необични и мистериозни форми би можеле да дадат увид во турбулентното минато на црвената планета.
Новите фотографии од Марс направени со сондата на НАСА предизвикаа возбуда во научните кругови. Како што напиша Пол Гејслер, научник од Универзитетот во Аризона по тој повод, кратерите „содржат интересни наслаги на мистериозни форми и распореди“.
Фотографиите покажуваат обрасци за кои Гејслер и неговиот тим веруваат дека претставуваат трајни „лузни“ на површината на Марс, оставени од мразот што се повлекува. Имаме слични кратери на нашата планета, а тие се формираат по топењето на глечерите. Токму оваа сличност со трагите на Земјата може да им даде на научниците увид во историјата на Марс, кој некогаш имал вода.
Научниците се особено возбудени што трагите се пронајдени само во кратерите на северните рамнини на Арабија Тера. Траги не се пронајдени во сите кратери, туку само кај оние со дијаметар поголем од 600 метри. Депозитите имаат хоризонтални траги кои можат да бидат слоеви или тераси. Се смета дека тие се формирале кога мразот се трансформирал од цврста форма во гас.
„Можеби поголемите кратери навлегле во подземните води помеѓу 45 и 60 метри под површината и биле поплавени по формирањето“, напишал Гајслер.
