Многу Ерменци кои избегаа од Нагорно-Карабах рекоа дека чувствуваат дека посетата на меѓународната мисија дошла предоцна, откако Азербејџан ја врати областа во молскавична воена операција минатиот месец.
Арен Харутјуњан, кој минатата недела го напушти регионот што Ерменците го нарекуваат Арцах, ја обвини „меѓународната заедница“ за егзодусот во интервју за новинарите на Гардијан.
„Што останува на ОН да набљудуваат? Никој не остана, сите ги нема, тоа е град на духови“, рече Харутјуњан, кој пристигна во Ереван во петокот по три дена патување од Степанакерт до Нагорно Карабах.
Во меѓувреме, Германија побара меѓународните набљудувачи да останат во Нагорно-Карабах за да помогнат да се изгради „доверба“ за цивилите.
„Позитивен чекор е тоа што Азербејџан за прв пат им дозволи на набљудувачите на ОН во Нагорно Карабах“, соопшти денеска германското Министерство за надворешни работи.
„Потребно им е постојано присуство, бидејќи само транспарентноста може да изгради доверба во ветувањето на Азербејџан за заштита на правата на сите жители и повратници во регионот“, се додава.
