Германската министерка за одбрана Кристин Ламбрехт поднесе оставка од таа функција.
Како што пишува Дојче веле, овој потег уследи по написите на медиумите во петокот дека планира да се повлече поради големите критики за нејзиното новогодишно обраќање, кои ги објави на социјалните мрежи.
Во својата новогодишна порака Ламбрехт ја спомена војната во Украина додека во позадина се слушаше звукот на огномет.
Членовите на опозициската Христијанско-демократска унија (ЦДУ) го оценија тој потег како целосно неемпатичен и побараа итна оставка од министерот.
Кристин Ламбрехт е член на владејачката Социјалдемократска партија (СПД), чиј лидер е актуелниот германски канцелар Олаф Шолц.
