Министерката за здравство Даница Грујичиќ изјави дека нема потреба од паника поради коронавирусот и дека сега бројот на заболени е помал отколку за време на пандемијата.
Грујичиќ на ТВ Прва рече дека болниците „не се преполни“, но дека секој тип на грип може да биде опасен за одредени групи пациенти.
Таа посочи дека Работната група на Министерството за здравство дала предлог за носење маски во болниците, кога станува збор за онкологија и хронични пациенти. Грујичиќ предлага постарите луѓе да носат маски во автобусот ако има гужва.
„Треба да се грижиме за превенција, има вакцини и лекови за КОВИД, сите препораки за лекување остануваат на сила кога ќе се докаже КОВИД“, рече министерот.
Грујичиќ додаде дека довербата на граѓаните во здравството полека се враќа и дека според сите анкети, граѓаните на Србија имаат најголема доверба во избраните лекари.
