Израелскиот министер за одбрана Јоав Галант изјави дека милитантната исламистичка организација Хамас сака да ја однесе војната од Појасот Газа во Западниот Брег.
– Целта на Хамас е да ги запали Јудеја и Самарија (израелско име за Западниот Брег), и ако е можно планината на храмот (во Ерусалим). Хамас не успеа да ги деморализира Израелците или да го ослабне односите меѓу Израел и САД со својот терористички напад врз Израел на 7 октомври. Затоа тие сега имаат намера да го „запалат“ Западниот Брег и планината на храмот, свето место и за Евреите и за муслиманите – рече Галант на синоќешниот состанок со воените команданти од Западниот Брег.
Како што пренесе ДПА, тој им рекол на своите команданти „да се подготват за војна“, да ги стават трупите на подготвеност и да собираат релевантни разузнавачки информации.
Од почетокот на војната во Газа по нападот на Хамас во октомври минатата година, тензиите и конфликтите на Западниот Брег исто така се интензивираа.
