Не сум ја измила косата 33 дена, тврди корисник на TikTok чие видео е прегледано 5,7 милиони пати. Експертите велат: Ќе ви падне косата
На популарната апликација TikTok се појави нов вирален тренд, таканаречениот „тренинг за коса“. Се заснова на што поретко миење на косата за да може таа и самиот скалп да се „истренираат“ да изгледаат поубаво и поздраво, пишува Инсајдер. TikTokers кои го следат овој тренд веруваат дека со негова помош ќе постигнат скалпот побавно да им се масни, па нема да мора да ја мијат косата толку често, пренесува jutarnji.hr.
Хаштагот #hairtraining собра над 164,1 милиони прегледи на TikTok.
Една од најпопуларните креатори на апликацијата која се занимава со здравјето и убавината на косата @cherries_87 во своето видео тврди дека не ја измила косата 33 дена, а ова беше само трет пат оваа година да ја измие. Видеото кое таа го објави на 7 април собра 5,7 милиони прегледи и 613.000 лајкови.
„Пред да ја измијам косата, ставам масло од рузмарин на скалпот и го оставам регенераторот да делува преку ноќ“, рече @cherries87 во споменатото видео, додавајќи дека последен пат ја измила косата на 5-ти март, пред повеќе од еден месец.
Изданието ја подели јавноста во коментарите, некои се скептични за овој метод додека други го поддржуваат. Многу експерти тврдат дека овој тренд може да предизвика опаѓање на косата, една од нив е и Фариха Анвар, докторка по естетика во клиниката Еуромед во Дубаи.
„За мене, најголемиот проблем со нередовното миење на косата е тоа што може да бидете изложени на ризик од развој на себореичен дерматитис, состојба која првенствено влијае на скалпот и се карактеризира со црвена, чеша, воспалена кожа што може да доведе до губење на косата при чешање. “, изјави Анвар за веб-страницата Health the Healthline.
Според Американската академија за дерматологија, колку често човек треба да ја мие косата зависи од нивната возраст, типот на кожа и текстурата на косата. На пример, луѓето со кадрава коса треба да ја мијат еднаш неделно или секоја втора недела, според веб-страницата на ААДА, а на оние со мрсен скалп им се препорачува да ја мијат еднаш дневно.
Ова не е прв пат хигиенските навики да ја поделат заедницата на TikTok. Трендот на „тренинг за коса“ е многу сличен на оној од 2021 година, кога многу креатори станаа глобална сензација кога објавија дека се тушираат само еднаш на две или три недели.
