Српскиот пејач Милан Станковиќ се прослави во српското музичко шоу „Ѕвездите на Гранд“ пред 16 години, а брзо стекна голема популарност.
Иако долги години не е во јавноста, интересот на публиката за неговиот приватен живот не стивнува. Сепак, она што малкумина го знаат е дека Милан како дете доживеал трагедија која му го одбележала животот.
Имено, неговиот татко убил човек поради долг и бил осуден на неколку години затвор. Меѓутоа, откако поминал пет години во затвор, тој починал под неразјаснети околности. Семејството било известено дека тој починал така што паднал од скелето, а Милан верувал дека неговиот татко е убиен.
„Имав само пет месеци кога татко ми отиде во затвор. Затоа не се сеќавам на него, но низ глава ми поминуваат слики од посетите. Никогаш не сум имал чувство дека имам татко, туку некој што повремено го гледав. Татко ми убил некој човек поради долг со кој работел во пекара. По пет и пол години ни кажаа дека паднал од скеле и починал, но јас не верувам. Мислам дека се работи за крвна одмазда“, изјавил тогаш Станковиќ, пренесе српски „Курир“ и додал дека секогаш се чувствувал инфериорно и дека би предизвикал сожалување доколку јавно зборува за својот татко.
„Најмногу ме погодија писмата што ги праќаше од затвор. Ги најдов еднаш случајно и бев целосно изгубен. Знаев дека не можам да го вратам. Чувствував колку е различно секое негово писмо, во некои од нив се препознаваше очај, понекогаш оптимизам. И покрај сè, мајка ми ме издржуваше и се бореше за мене и за сестра ми. Работеше во киоск, пеглаше, чистеше куќи. Таа често позајмуваше пари“, изјавил Милан.
Таткото и мајката на Милан се развеле кога пејачот имал само една година, а неговата мајка потоа се премажила и ја родила ќерката Настасија, со која Станковиќ одлично се сложува.
