Украинскиот претседател Володимир Зеленски ги критикуваше Меркел и тогашниот француски претседател Никола Саркози, велејќи дека нивните одлуки на Самитот на НАТО во Букурешт во 2008 година се пример за неуспешната политика кон Русија која придонесе за денешниот конфликт, пишува Б92.
„Поранешната германска канцеларка д-р Ангела Меркел инсистира на нејзините одлуки во врска со самитот на НАТО во Букурешт во 2008 година“, изјави одговорното лице за медиумите, а пренесува германската новинска агенција ДПА.
„Поранешната канцеларка(Меркел) целосно ги поддржува напорите на федералната влада и на меѓународната заедница кои стојат на страната на Украина за да се стави крај на варварството извршено од Русија во војната против Украина“, се додава во соопштението.
Во 2008 година Украина побара пристап во НАТО, кој според некои информации бил блокиран од Саркози и Меркел.
Завршната изјава од Самитот ѝ вети на Украина членство во иднина, но без временска рамка за отворање акционен план за членството.
