Рангирање на мафиите според земјите од кои доаѓаат, мексиканскиот нарко картел ја претставува најсилната и најопасната мафијашка организација во светот, според криминолозите.
Полициските експерти предупредуваат на бруталното однесување на мексиканските мафијаши – обезглавувања, мачења, атентати, киднапирања…
Најсилната група со седиште во Нуево Ларедо се карактеризира со нејзината поделба на кланови „Браво“ и „Зетас“, кои се во постојана војна против конкурентскиот „Картел дел Норесте“.
На второ место е италијанската мафија со најбрутални претставници – „Коза ностра“, пулиската „Сакра корона унита“, потоа „Ндрангета“, односно Калабрези и наполитанската „Гомора“.
Заедно со наркотиците се занимаваат и со рекет, лихварство, поткуп, шверц, коцкање и нелегално обложување. Италијанските мафијаши остваруваат десетици милијарди долари годишен профит, но веќе не се толку моќни како во минатиот век.
На трето место е руската мафија. „Солнчевскаја братва“ претставува мрежа од десет одделни „бригади“ кои функционираат независно, но ја држат руската страна и заедничките „финансии“.
Големото надзорно тело се состои од дванаесет лидери кои ја водат целата организација.
Вмрежувањето со тајните служби им дава специфичен контекст, а главната работа е соработката со производителите на афион во Авганистан, меѓу кои, како што тврдат некои, е и американската армија.
Медиумите најмногу ги споменуваат за „трговија“, сексуално ропство, педофилија, како и сите други злосторства кои се табу.
Следат американски гангстери и улични банди во САД. Особено опасни се „Crips“ – афроамериканска улична банда основана во Лос Анџелес. Тие се познати по дилање дрога, убиства и грабежи.
Во САД, исто така, има многу силни „латино банди“, кои имаат блиски врски со мексиканските нарко картели. Повеќето членови потекнуваат од Ел Салвадор, а се познати по суровата и бескрупулозна одмазда. Ги убиваат сопругите и децата на полицајците и судските службеници.
Јаки се и расистичките банди – „Ариевците“. Тоа е „братство“ кое функционира и во слобода и во затвори.
Меѓу петте најсилни мафии, според проценките на полициските експерти ширум светот, е и албанската мафија.
Крвната одмазда, семејниот култ и специфичен сет на симболи и правила го делат албанскиот систем од класичната хиерархија.
Со „кошницата“ (пазарот) управуваат кланови, од кои секој има своја „трговија“. Производството, преработката, транспортот и складирањето на дрога се криминални активности кои се споделуваат меѓу себе.
Четирите „чадор“ албански мафијашки организации се „Кула“, „Абази“, „Боричи“ и „Брокај“.
Британските медиуми коментираат дека меѓу најсилните мафијашки банди, кои традиционално имаат силни криминогени организации, нема Колумбијци или Јапонци.
Според одредени веб-страници, како што е „Топ десет“, која рангира се и сешто врз основа на гласовите на читателите, во првите 10 мафии во светот се најде и онаа од Србија.
Според таа листа, српската мафија е на 9-то место. Зад него е злосторничкото здружение „Пет фамилии“ од Њујорк, а пред веќе споменатите мексикански, руски, италијански, албански, но и јапонските јакузи и ирските.
