Актерката Меган Фокс (36) на Инстаграм навести за можно раскинување меѓу неа и нејзиниот свршеник, раперот Машин Ган Кели (32), кога ги избриша сите заеднички фотографии со него и објави стихови од албумот „Лимонада“ на Бијонсе од 2016 година, а потоа го избриша својот профил на мрежата.
„Можам да го почувствувам вкусам на срамот, тоа е во твојот здив“, напиша Фокс покрај нејзината објава, која вклучуваше фотографии и видео на кое таа пали коверти во камин.
Обожавателите коментираат дека веруваат дека Машин Кели ја изневерил Меган, со оглед на тоа што Бијонсе му ги посветила овие стихови на Џеј Зи кога ја изневерил.
Пред да го избрише профилот, Фокс го заследи Еминем, кој долго време се кара со Машин Ган Кели, а објави и свои провокативни фотографии.
Исто така, пред да го избрише својот инстаграм-профил, Меган одговори на коментарот на обожавател кој напиша дека пејачот ја изневерувал со заедничката пријателка, гитаристката Софи Лојд, која свири во бендот на Кели.
