Како што јави Спутник, претходно шефот на дипломатијата на Европската унија, Жозеп Борел, во својот говор рече дека Русија е навикната да се бори до крај и потсети на победите над Наполеон и Хитлер и повика на вооружување на Украина.
„Браво за Борел со неговото безживотно лице. Тој потсети дека нашата земја ги победи Наполеон и Хитлер. Гледате, тој самиот ја утврди оваа аналогија. Според тоа, украинските нацисти и Западна Европа се директни наследници на оние кои се бореле против Русија. И се чини дека војната против нив стана нова патриотска војна. Ние ќе победиме. Како што бевме во 1812 и 1945 година“, напиша Медведев на својот канал „Телеграм“.
Претходно, шефот на руската дипломатија Сергеј Лавров на годишната прес-конференција изјави дека САД, „како што Наполеон ја мобилизираше речиси цела Европа против Руската империја, како што Хитлер мобилизираше и освојуваше, ги ставија под оружје повеќето европски земји и ги фрлија тие против Советскиот Сојуз, организираа коалиција од речиси сите Европејци, членки и не само членки на НАТО, членки на ЕУ, а преку Украина индиректно водат војна против Русија со истата задача – конечно решение на „руското прашање“. “.
