Во православната црква Ружица во Рожаје, Црна Гора, која беше целосно обновена во 2021 година, има фрески на кои се претставени луѓе во бошњачка и турска носија, кои учествуваат во палењето на црквата и стојат со ножеви над лулката во која се наоѓа бебето. објави Подгоричките медиуми денеска објавија фотографии од спорните фрески.
Поранешниот главен имам на одборот на Исламската заедница во Плевља, Самир Кадрибашиќ, потврди дека токму иконописот во црквата во Рожаје покажува како муслиманите од османлиската ера убиваат дете во лулка, токму пред оваа црква.
Свештеникот на Српската православна црква, Слободан Радојевиќ, кој служи во овој храм, претходно изјави дека црквата е во многу лоша состојба и дека е неопходно речиси се да се преправи.
Радојевиќ и претходно беше во очите на јавноста, откако самиот ја издлаби фигурата на воениот злосторник од Втората светска војна Дража Михаиловиќ, пишуваат црногорските медиуми.
Црквата Ружица, посветена на раѓањето на Свети Јован Крстител, е единствената црква во Рожаје. Медиумите јавуваат дека во неговата реконструкција учествувале и муслимани.
