Седницата на Собранието на Србија посветена на Косово и Метохија, на која ќе присуствува и претседателот Александар Вучиќ, ќе започне на 2 февруари и ќе трае неколку дена, јавуваат медиумите.
Според „Вечерње новости“, дебатата ќе трае два-три дена „за да може претседателот да одговори на прашањата на сите пратенички групи“.
Вучиќ претходно денеска во објава на Инстаграм најави дека ќе присуствува на собраниската седница, но и изрази жалење што „добар дел“ од опозициските политички партии не го прифатиле неговиот повик за консултации за европскиот предлог за решавање на косовскиот проблем. проблем.
„Да ги запознаеме со притисоците и со сето она со кое се соочува Србија. Тие рекоа дека не сакаат да разговараат, или барем добар дел од нив, туку сакаат јавна манифестација, настап за нивните политички активности. Жал ми е што не разбраа дека државата е поважна од политичките интереси на која било партија, која било од нас“, рече Вучиќ.
