Ако следите фудбал, невозможно е барем еднаш дневно да не слушнете некој да го спомнува името Килијан Мбапе. Французинот е еден од најдобрите фудбалери на денешницата, но една работа го разликува од другите ѕвезди.
Фактот што најсветлата ѕвезда на актуелната фудбалска сцена нема возачка дозвола изненади многумина.
Доколку се спроведе истражување за карактеристиките со кои навивачите ги поврзуваат елитните фудбалери, надвор од нивната професија, огромното мнозинство одговори сигурно би биле луксузни автомобили.
Иако приватниот возач делува како уште една ексцентричност на младиот фудбалер, реалноста е сосема поинаква.
Во случајот на Мбапе, бидејќи тој потпиша со ПСЖ неколку месеци по полнолетството, клубот му обезбеди возач, телохранител и готвач како услуга.
Парижаните подоцна му организираа часови по возење, но Мбапе не покажа голем интерес за тоа.
Како што откри во интервју за „Bleacher Report“, добивањето возачка дозвола никогаш не му било еден од приоритетите.
„Тоа е еден од недостигот на ран успех. Ми недостасуваа едноставни работи како возачка дозвола, што е обврска за многумина“, изјави Мбапе.
