Тимот на лекари од Клиниката за изгореници, пластична и реконструктивна хирургија на Универзитетскиот клинички центар на Србија (УКЦС) натчовечки се борат за животот на пациентот Б.Ќ. (65) од Лесковац, кој е тешко повреден поради експлозија на плинска боца, соопштија денеска од таа установа.
Пациентот е од Ниш вчера на 11 јануари бил упатен во УКЦС каде по приемот била поставена комплетна дијагноза. Утврдено е дека повеќе од 65 отсто од неговата кожа била зафатена од длабоки изгореници и дека животот му е во опасност.
Лекарскиот тим на Клиниката за изгореници, пластична и реконструктивна хирургија УКЦС прави напори овој пациент да преживее, се вели во соопштението.
Лекарите на оваа клиника уште еднаш апелираа до граѓаните, со оглед дека е грејна сезона, да се грижат за исправноста и употребата на грејните тела, како и да избегнуваат употреба на пиротехнички средства, за да се избегнат вакви несакани ситуации и борби за животот.
