Три сообраќајни несреќи се случиле во првите два дена од Новата година. Повредени се четири лица.
На 01.01.2023 околу 11 часот пријавено е дека на магистралниот пат А-3 кај село Очипала, Делчевско, од трактор со полуприколка, управуван од И.П.(44) од селото Очипала, додека тракторот се движел по патот, сопатникот во полуприколката Љ.П.(72) од Очипала паднал на коловозот.
Љ.П. се здобил со тешки телесни повреди кои му биле констатирани од лекар во Комплексот клиники „Мајка Тереза“, каде му биле укажана лекарска помош.
Ноќеска во 02.15 часот на магистралниот пат Охрид-Кичево кај селото Оровник, патничко моторно возило „голф“ управувано од А.К.(36) од Мешеишта, Струшко, излетало од коловозот.
Во несреќата со телесни повреди се здобил возачот А.К., а со тешки телесни повреди се здобила сопатничката Ј.К. (32) од Мешеишта, кои им биле констатирани од лекар во болницата „Св. Еразмо“.
На 1 јануари во 14.45 часот било пријавено дека на локалниот пат во селото Теарце, Тетовско, се случила сообраќајна несреќа помеѓу патничко моторно возило „мерцедес“ со скопски регистарски ознаки, управувано од А.А. (40) од селото Доброште и моторцикл „кавасаки“ без регистарски ознаки, управуван од Б.Ц. (20) од селото Теарце.
По несреќата возачот на моторциклот Б.Ц. е пренесен во Клиничка болница Тетово каде од лекар му се констатирани тешки телесни повреди.
