Веќе подолго време се зборува за заминувањето на Кристијано Роналдо од Манчестер Јунајтед. Се зборува за Барселона, Реал, Пари Сен Жермен, Челзи, Америка, а еден од кандидатите за доведување на португалскиот ветеран е Баерн Минхен. Лотар Матеус смета дека тоа би бил добар трансфер.
Тој го гледа Роналдо како наследник на Роберт Левандовски во Баерн. Вели дека е одличен стрелец, но дека овој трансфер не би бил трансфер за во иднина.
„Има 37 години и би бил редовен во стартните 11. Не знам дали би се вклопил во системот на Баерн, но сепак е одличен стрелец. Сигурно би постигнал триесетина гола. Сепак, продажбата на дресовите секако би го рефинансирала трансферот“, вели Матеус.
„Роналдо во Баерн, тоа би било секси! Ако Баерн мисли дека Роналдо е уште физички подготвен да помогне година или две и ако може да ги потроши парите направени од продажбата на Левандовски за да го купи Португалецот, тогаш би размислил. Притисокот врз напаѓачите би бил многу голем. Да се согласеше на плата како на Левандовски, ќе влезеше во тој свој систем. Нагелсман веќе има двајца одлични Германци во средниот ред и одлични засилувања на Гравенберх и Лајмер“, додаде поранешниот играч на Баерн, Лотар Матеус.
Со Роналдо во составот, Баварците би имале многу моќен напад во кој би биле и Томас Милер и нововлезениот Садио Мане, како и Кингсли Коман. Серж Гнабри би морал да ја повика резервната улога, иако пореално е во секој случај да си замине од Минхен.
