Mасовните протести „Ултиматум – не благодарам“ продолжија и вечерва и покрај невремето што го зафати главниот град.
По маршот кој почна од пред Владата, каде демонстрантите фрлаа петарди врз полицискиот кордон, тие со чадори и со мантили за дожд се упатија кон Собранието каде татне од звукот на димни бомби, како израз на револт кон францускиот предлог.
Дел од демонстрантите, додека поминуваа покрај МНТ, фрлаа кон зградата шишиња и тоалетна хартија.
Пред Парламентот, протестот продолжи со интонирање на македонската химна и со стотина развиорени знамиња.
