Рано утринава по локално време, маскирано дуо подметна пожар во синагога во Мелбурн. Пожарникарите успеале брзо да го локализираат, а немало повредени меѓу верниците кои во тој момент веќе биле во синагогата. Полицијата се уште трага по наводниот пироман.
Две маскирани лица запалија синагога во Мелбурн, Австралија. Пожарот избувнал околу 4 часот по локално време, кога некои верници веќе биле во синагогата, а се очекувало да пристигнат уште еден час подоцна. Пожарот зафатил голем дел од зградата, но пожарникарите брзо успеале да го локализираат. Немаше повредени.
Според очевидци, двајцата осомничени истуриле запалива течност за да направат што поголема штета. „Сметаме дека делото било намерно. Ние веруваме дека тоа било цел. Но, не знаеме зошто“, изјави истражителот Крис Мареј.
Полицијата се уште трага по наводниот пироман, па ги засилила патролите.
Премиерот Ентони Албанес го осуди нападот и рече дека федералната полиција ќе и помогне на Викторија во истрагата. „Ова насилство, заплашување и уништување во религиозно место е невидено“, рече тој.
Тој предупреди дека нападот ги загрозил животите и очигледно имал за цел да ја заплаши заедницата. Тој додаде дека во Австралија нема место за антисемитизам.
