Илон Маск го прекина деветдневниот молк на Твитер, социјалната мрежа која се обидува да ја купи за 44 милијарди долари, објавувајќи слика од средбата со папата Франциско.
Најбогатиот човек на светот на Твитер објави слика на која стои покрај папата, каде напиша дека е почестен што го запознал папата, пренесува Ројтерс.
На сликата се и четворицата тинејџери на Маск, но не и неговата 18-годишна трансродова ќерка, која се обиде да си го смени името и да ги прекине врските со него.
Маск има вкупно осум деца.
Минатиот месец Маск рече дека сè уште има неколку нерешени прашања во врска со купувањето на Twitter.
