Легендата на Реал Мадрид, а сега играч на Олимпијакос, Марсело, во интервју за ЕСПН се присети на времето поминато во Кралскиот клуб и наведе тројца поранешни соиграчи кои пријатно го изненадија.
Меѓу тие тројца е и хрватскиот маестро Лука Модриќ. Другите двајца се Родриго и Тони Крос.
„Имав среќа и задоволство да играм во еден од најдобрите тимови на Реал Мадрид на сите времиња“, започна Марсело.
„Тројца поранешни соиграчи ми го приредија најпријатното изненадување кога дојдов. Првиот е Тони Крос, не знам што се случува во главата на тој лик, тој е секогаш во својот свет, изгледа отсутен, но со топката пред неговите нозе е неверојатен. Неговата контрола на топката е најдобрата што сум ја видел. Неговиот дриблинг е исто така неверојатен, работите што може да ги направи, не сум ги видел никаде на друго место“.
„Вториот е Родриго, неговиот талент е природен, дриблаше со своето тело на начин каков што досега не сум видел. Очигледно е бавен, но со топката под нозете е брз како молња“, додаде за него и го подвлече одговорот со своето мислење за Модриќ.
Лука Модриќ ме остави без зборови, не можете ни да замислите што прави Лука со топката на тренинг“, заклучи тој.
Марсело и Модриќ не се само долгогодишни соиграчи, туку и многу добри пријатели.
