Вицепремиерот за европски прашања Бојан Маричиќ денеска во емисијата „Дејли њус“ на Би-Би-Си изјави дека земјата ги има намирено сите обврски за снабдување со руски гас, но дека ситуацијата е сложена, бидејќи не може да се предвиди каква одлука може да донесе Русија во наредните денови, со оглед на тоа што цврсто стоиме со Украина, политички, економски и воено.
– Имаме соодветни алтернативи во случај да дојде до прекин на снабдувањето со гас од „ГАЗПРОМ“, на пример индустриските капацитети да можат да користат мазут, но каква одлука и да се донесе, Северна Македонија во оваа фаза ќе се ублажи, се залагаме одлуката да биде донесена согласно договорот за употреба на гасоводот – рече вицепремиерот Маричиќ
Тој изрази жалење што Русија одлучи да ги класифицира сите земји како непријателски земји, но дека македонската Влада верува дека наскоро ќе се најде решение за тековната агресија, со што ќе се стави крај и на енергетската криза.
– Снабдувањето со гас за Северна Македонија сè уште не е прекинато, зависноста е значителна, но сепак имаме континуирано снабдување со гас од „Газпром“ преку Бугарија и покрај тоа што Русија го прекина снабдувањето со гас до таму – рече вицепремиерот Маричиќ во интервјуто.
Тој изјави дека Северна Македонија е една од првите земји што се приклучи на одлуката на ЕУ, бидејќи сме земја кандидат за членство во ЕУ и сојузник во НАТО, но не само поради тоа, туку и направивме морален избор да застанеме покрај Украина.
– Работиме заедно со САД и нашите партнери од ЕУ на замена на испораките на природен гас од Русија, со цел да се намалат последиците од потенцијалната енергетска криза во случај Русија да го затвори вентилот – додаде Маричиќ за Би-Би-Си.
Маричиќ додаде дека земјава има договорени количини, но сепак не може да се предвидат чекорите на Русија, поради што се работи на диверзификација на нашите можности за снабдување.
– Во случај „Газпром“ да го раскине договорот со „Булгартрангаз“ во однос на нашите резервирани количини во интерконекторот, планираме увоз на природен гас преку интерконектор што Република Бугарија го има со Грција, кој е поврзан со ТАБ со авион и снабдува гас од Азербејџан, така што работиме заедно со САД и нашите партнери од ЕУ на замена на испораките на природен гас од Русија – рече Маричиќ.
Вицепремиерот додаде дека Северна Македонија беше една од првите земји што се приклучи на одлуката на ЕУ за санкциите бидејќи, како што рече, сме земја која е кандидат за членство во ЕУ и сојузник во НАТО, но и за правење на морален избор за застанување покрај Украина.
Маричиќ изрази жалење што Русија одлучи да ги класифицира сите земји како непријателски земји.
– Нашата Влада верува дека наскоро ќе се најде решение за тековната агресија, но ние како држава во многу наврати јасно кажавме дека сме против оваа агресија, и како најнов и најмлад НАТО сојузник, ќе се потпреме на капацитетите на нашите сојузници, како и на нашите капацитети, дека нашиот суверенитет и нашата стабилност и суверен избор да бидеме сојузник на НАТО. НАТО ќе не штити во овие тешки моменти – рече Маричиќ.
Вицепремиерот додаде дека сите земји во регионот, кои се сојузници на НАТО, треба да му оддадат признание на НАТО и на ЕУ, а исто така и на САД и затоа сме, како што рече, сосема сигурни во нашето стопроцентно усогласување со санкциите на ЕУ кон Русија.
