Манчестер Сити и Баерн Минхен ќе одиграат пријателски натпревар во Токио на 26 јуни, како дел од серијата пријателски натпревари организирани во Јапонија, објавија во вторник претставниците на Џеј-лигата, локалниот шампионат.
Три дена претходно клубот од Манчестер ќе го одигра првиот пријателски натпревар на националниот стадион во Токио против Маринос од Јокохама.
Минатиот месец Баерн, од своја страна, веќе најави пријателски натпревар во истиот простор против Кавасаки Фронтале, друг тим од Џеј-лигата.
Пред нив Барселона на 6 јули гостува во главниот град на Јапонија против Висел Кобе во кој настапува нивната поранешна икона Андрес Иниеста.
Освен Манчестер Сити, турнеја низ Азија во вонсезона имаат планирано и други англиски клубови, како Ливерпул кој ќе одигра неколку пријателски натпревари во Сингапур, вклучувајќи го и оној најавен против Баерн на 2 август.
