27-годишниот А.А. и еден малолетник, и двајцата од Скопје, беа уапсени откако се обиделе да извршат разбојништво во филијала на банка во Чаир.
Инцидентот се случил вчера, на 16 декември 2024 година, околу 13:00 часот, кога осомничените испукале неколку куршуми кон блиндор стаклото на банката, но за среќа никој не бил повреден.
Благодарение на брзата реакција на полициските службеници од СВР Скопје, А.А. бил уапсен на лице место, а малолетникот бил пронајден кратко потоа. При претрес кај малолетникот бил откриен нож.
„Со оваа акција испраќаме јасна порака – безбедноста на граѓаните е наш врвен приоритет, а разбојништвата нема да останат неказнети. Благодариме на граѓаните за соработката и на нашите екипи за нивната брза и ефикасна интервенција“, изјавија од полицијата.
Против осомничените ќе биде поднесена соодветна пријава, а истрагата продолжува со цел да се утврдат сите околности на случајот.
