Присуството на украинскиот претседател Володимир Зеленски на самитот на Г7 во Хирошима „е начин за градење мир“, изјави францускиот претседател Емануел Макрон пред новинарите во Јапонија во неделата.Ставањето на францускиот авион на располагање на украинскиот лидер за да го пренесе прво до самитот на Арапската лига, а потоа до Г7 во Јапонија, покажува „Франција која гради мир и бара решенија“, додаде Макрон.
Според него, посетата на Зеленски на Џеда во петокот му овозможила „да ја добие многу јасната поддршка од Саудиска Арабија и неколку сили во регионот…што е вистинска пресвртница“.
На Г7 во Хирошима, Володимир Зеленски ќе „зборува и пред неколку светски сили кои понекогаш се изложени на само еден дискурс“, рече францускиот претседател, мислејќи на земјите како Бразил и Индија кои се поканети на самитот.
Емануел Макрон го повика светот да не се задоволува со евентуален прекин на огнот меѓу Киев и Москва. Тоа би било „грешка за сите нас“, бидејќи „искуството не научи дека замрзнатиот конфликт ќе биде војна за утре“, рече тој.
Во врска со ситуацијата во украинскиот град Бахмут, епицентарот на борбите и сцената на најдолгата и најкрвавата битка од рускиот напад во февруари 2022 година, за кој Русија во саботата рече дека целосно го освоила, францускиот претседател сакаше да биде „екстремно внимателен“.
„На украинските власти им останува да кажат како се развива ситуацијата на теренот со нивните сили.
