Членот на Македонската академија на науките и уметностите доктор Сашко Кедев повторно се искачи на врвот на светот, а овојпат друштво му правеше и поранешната министерка за култура Ганка Цветанова.
Во информацијата за освојувањето на Анапурна, проф. Кедев е запишан како учесник во експедицијата од Македонија.
Професорот и врвен светски кардиолог се искачи на еден од десетте највисоки врвови на Хималаите и светот, Анапурна.
Ова е прва експедиција во 2023 година што го освојува врвот Анапурна.
Професорот Кедев е дел од експедиција со 4 други планинари и 7 шерпаси, односно локални водичи.
Анапурна е низа од планински врвови во Непал на венецот Хималаи, од кои највисокиот, Анапурна I, претставува еден од четиринаесетте планински врвови повисоки од 8000 метри, и со висина од 8091 метар е десеттата највисока планина на светот. Сместена е источно од големиот кањон на реката Кали Гандаки, кој го дели од масивот Даулагири.
Предходно професорот Кедев се искачи на сите највисоки врвови на сите светски континенти а во повеќе наврати се искачи на најтешките и највисоки врвови на Хималаите и со тоа на светот.
