Македонскиот фудбалски репрезентативец Енис Барди не успеа со екипата на Леванте да се избори за опстанок во најсилната шпанска лига, па сега се чини дека по цели пет години тој ќе го смени дресот и ќе потпише за друг шпански прволигаш.
Како што објавуваат тамошните медиуми, за услугите на Македонецот кој изминатата сезона постигна три погодоци на 30 настапи, засега најзаинтересиран е клубот Алмерија, кој го освои првото место во втората лига и после седум години се враќа во „Ла Лига“.
Според медиумите, Леванте е подготвен да го продаде нашиот репрезентативец за околу 10 милиони евра.
