Мадона не престанува да скандализира и на свои 65 години, па деновиве ги изненади следбениците со неколку објави на Инстаграм. Пејачка позираше без маица и градник, а градите ги прекри со косата. На една од фотографиите таа позираше со непознат маж кој се „скри“ зад неа.
„Жешка забава во лето“, напишала накратко пејачката во описот на објавата.
Иако некои од коментарите се дека е „карикатура“, најголем дел од фановите застанаа во нејзина одбрана.
Како што пишува „The Blast“, еден од обожавателите на Мадона од Калифорнија наводно ја тужел пејачката затоа што таа „ги изложила посетителите на нејзината последна турнеја Celebration на порнографија и тоа без предупредување“. Според правните документи, Мадона е тужена и за „лажно рекламирање и несакана изложеност на сексуална содржина“.
Тужителот Џастен Липлес поднел колективна тужба во негово име и во име на сите поединци во Калифорнија кои купиле билети за концертот на Мадона, тврдејќи дека публиката наводно била „присилена да гледа топлес жени кои симулираат сексуални дејствија“.
