„Абе деца, нема да умрам“, рече белорускиот претседател Александар Лукашенко за државната телевизија коментирајќи ги гласините за неговото влошено здравје, јавува Ројтерс. Тој вели дека му се слошило поради аденовирус кој го добил гушкајќи се со девојки на плоштадот во Гродно, а дека болките прво ги почувствувал во нозете.
Снимката од состанокот за актуелните здравствени прашања беше споделувана на Твитер.
– Аденовирус, или што беше тоа? – прашува белорускиот претседател на снимката.
– Да, аденовирус – му возвраќа една жена во собата.
– Ништо не е тоа. Лебедот се насмевнува и се опоравува за три дена. Немав шанса да се опоравам. Прво бев во Москва, па во Ленинград, па фестивалите во сабота, па ме однесовте до Гродно, на плоштадот се гушкавме со тие девојчиња и после Гомел, Крупко, сите тие се заразија… – одговара Лукашенко.
– Ако некој мисли дека ќе умрам, нека се смири. Ова не е ништо повеќе од празноглаво размислување во инстант-месинџерите и телеграм каналите. Затоа нема да умрам, деца. Ќе страдате со мене долго време – рече Лукашенко.
