Лука Модриќ уште еднаш покажа големо срце.
Еден од најдобрите играчи од средниот ред на сите времиња, во соработка со Хрватскиот фудбалски сојуз и новинари од Хрватска, на аукцијата донираше дрес со потпис, а собраните пари од аукцијата ќе бидат наменети за лекување на граѓаните на Босна и Херцеговина.
Поточно, ќе биде испратен до фондацијата „Помози.ба“, која ја објави големата вест.
„Во соработка со хрватските новинари и ХНС го добивме дресот на капитенот на хрватската фудбалска репрезентација Лука Модриќ кој го ставаме на аукција.
Фудбалерот на Реал Мадрид, Лука Модриќ со задоволство одговори на нашиот предлог да помогнеме во лекувањето на граѓаните на БиХ, па преку ХНС ни испрати потпишан дрес!
Аукцијата ќе трае до сабота до 20:00 часот, а понудите можете да ги оставите во коментар под објавата. Ќе ги разгледаме само понудите од вистински профили, а пред официјалното објавување на лицето кое понудило најголема сума, ќе го контактираме тоа лице за потврда.
Сите собрани пари од аукцијата одат во Фондот „Спорт за живот“, наменет за лекување на болни граѓани на Босна и Херцеговина!“, соопшти Помози.ба.
