Градот Лос Анџелес ќе започне со преселување на бездомниците во хотели оваа недела како дел од новоотворената програма „Inside Safe“, изјави новата градоначалничка Карен Бас.
Бас изјави за NBC News дека целта на програмата е значително да се намали бројот на бездомници кои живеат во одредени области на Лос Анџелес.
Таа нагласи дека во градот кој има околу четири милиони жители има околу 40.000 бездомници и дека целта на новата програма е во првата година привремено или трајно да се преселат 17.000 бездомници.
„Програмата нема да ги принуди бездомниците да се вселат во хотели или да ги казни ако не го сторат тоа“, рече таа.
Претставниците на организациите кои се занимаваат со бездомниците го поздравија потегот за преместување од кампови во хотели, но рекоа дека тоа не треба да се прави со сила.
Гувернерот на Калифорнија, Гевин Немсон, ја претстави идејата за сместување на бездомниците во хотелски соби во 2020 година за време на пандемијата „Ковид-19“. Тој ги охрабри градските администрации и регионалните власти во земјата да користат соодветни хотели и да ги претворат зградите во засолништа за бездомниците.
